When you have TMJ problems you may have difficulty doing things like eating and talking.
Skolioza dhe shenjat e para posturale të saj
Skolioza është një devijim tre dimensional i shtyllës kurrizore, pra përfshin tre plane; planin lateral, planin frontal dhe planin transversal. Skoliozat mund të jenë në formën e gërmës “C” ose në formën e gërmës “S”. Skolioza sipas statistikave është më e shpeshtë tek vajzat se sa tek djemtë.
Skolioza është një problem shëndetësor ku shtylla kurrizore është e lakuar nga njëra anë në tjetrën. Shtylla kurrizore e një personi me skoliozë mund të ngjajë më tepër si një “S” se sa si një vijë e drejtë. Afërsisht 2% e popullsisë kanë një lakim skoliotik në shtyllën kurrizore dhe përreth 10% e këtyre janë raste të rënda.
Skolioza është quajtur e tillë sipas zonës ku ndodhet kulmi i lakimit në shtyllë. Më shpesh këto lakime ndodhin në pjesën e kraharorit (torakale) dhe në pjesën ndërmjet kraharorit dhe mesit (torakalo-lumbare).
Adoleshenca e hershme, veçanërisht mosha ndërmjet 11 dhe 14 vjeç është koha ideale për të kontrolluar shtyllën kurrizore për skoliozë. Skolioza mund të përparojë gjatë adoleshencës nëse nuk trajtohet gjatë kësaj periudhe.
Në çdo seancë fizioterapie, ne nuk trajtojmë vetëm simptomat, por punojmë për të gjetur shkakun e problemit, duke krijuar një plan të personalizuar që përshtatet me nevojat e çdo pacienti.
Cilat janë shenjat e para posturale të skoliozës?
- Njëri sup është më i lartë se tjetri
- Trungu paraqitet i anuar
- Pelvisi paraqitet ne disnive
- Asimetri e belit
- Koka rri e anuar në një anë
Cfarë mund të arrihet nëpërmjet fizioterapisë?
- Parandalimi i avancimit të grades së devijimit
- Ulja e gradës së devijimit
- Arritja e balances muskulare
- Përmirësimi i postures
- Reduktimi i dhimbjes
- Rritja e rezistencës dhe forces muskulare
Një studim i botuar në revistën “Spine” në vitin 2016 shqyrton efektet e programeve të fizioterapisë për pacientët me skoliozë. Ky studim analizoi të dhënat nga disa pacientë që ndoqën trajtim fizioterapik dhe vlerësoi përmirësimin e simptomave dhe funksionit fizik.
Rezultatet:
- Reduktimi i Dhimbjeve: Pacientët raportuan një reduktim të dukshëm të dhimbjeve pas disa muajsh trajtimi. Kjo tregon se fizioterapia mund të ndihmojë në menaxhimin e simptomave të skoliozës.
- Përmirësimi i Lëvizshmërisë: Ushtrimet e personalizuara ndihmuan në rritjen e fleksibilitetit dhe forcës, duke lehtësuar lëvizjen dhe aktivitetet e përditshme.
- Postura: Mësimet për posturën dhe teknikat e ndihmës për qëndrim të drejtë kontribuan në përmirësimin e aspektit të përgjithshëm të trupit të pacientëve.
Rëndësia e Diagnostikimit të Hershëm të Skoliozës :
Përfitimet e Diagnostikimit të Hershëm,
- Ndërhyrje e Shpejtë: Diagnostikimi i hershëm lejon që trajtimi të fillojë më shpejt, çka mund të ndihmojë në parandalimin e përkeqësimit të skoliozës. Kur kushti trajtohet në fazat e tij fillestare, ka më shumë mundësi për të shmangur komplikimet e mëvonshme.
- Mundësi të Gjerësisë së Trajtimit: Pacientët që diagnostikohen herët kanë më shumë mundësi për të marrë trajtime jo kirurgjikale, si fizioterapia, që mund të ndihmojnë në menaxhimin e simptomave dhe përmirësimin e posturës.
Rekomandimet për Prindërit dhe Kujdestarët :
- Vëzhgoni Shenjat: Kujdestarët duhet të jenë të vetëdijshëm për shenjat e mundshme të skoliozës dhe të veprojnë shpejt.
- Inkurajoni Aktivitetin Fizik: Aktivitetet e rregullta fizike mund të ndihmojnë në mbajtjen e një trupi të shëndetshëm dhe ndihmojnë në menaxhimin e skoliozës.
- Konsultoni Specialistët: Nëse vëreni ndonjë ndryshim, konsultohuni me një ortoped ose fizioterapist për të marrë këshilla dhe një plan trajtimi të përshtatshëm.
